إآζسًٌُُـإآسًٌُُ ღ إآنثـﮯ ღ♥♥ღ.. ][ ..~||عَ ـٍـٍرَبِـًـًيْ كـٍـٍـٍـٍٍـبـٍـٍٍـٍـيـٍـٍـٍـر..||~ ][ .. ღ♥♥ღ
عدد المساهمات : 1543 نقاط : 33867 تاريخ الميلاد : 19/09/1994 تاريخ التسجيل : 03/08/2009 العمر : 29 الموقع : www.arab.forumburundi.com العمل || الترفيه || الوظيفة ㋡ : رٍسآآمةهـ ڪوُوُوُ9̲̣̣̥وُ9̲̣̣̥لُِ المزاج : ᶰᵒᵗ ᵇᵃᵈ ..!
| موضوع: قبل ما تخطبوا أو تتزوجوا .. فوتو لهوووون ( مهم ) 22/7/2010, 2:11 am | |
| السلام عليكم ورحمة الله و بركاته
هالموضوع ما عرفت احطو بقسم الشباب وللا البنات
في برنامج كتير حلو بتوقع بتعرفوه او سمعتو عنو و من المهم جدا جدا انو الكل يحضرو و يتابعو اللي هو
( الدورة التأهيلية للحياة الزوجية ) بييجي على قناة الرسالة و فيكم تحضروه من البداية عاليوتيوب والحكي حلو كتير و نابع من الدين الاسلامي و فيو كتير اشيا مفيدة
بس حبيت أشاركم بهاي الشغلة و صراحة ما كانت خاطرة في بالي مع انها مهمة جدا جدا
واللي هي:
( الدافع إلى الزواج )
ملاحظة ! .. مش بالضرورة يكون الواحد عندو كل الدوافع اللي رح نزكرها رح يكون في عندو دافع او تنين أساسيات .. و بنحكي بعد شوي ( شو فائدة ) هالكلام عالواقع و أثره ..
بالبداية في كتير حاجات للانسان بتتلخص بـ 6 ـ ست نقاط أساسية بتتحقق بالزواج ..
رقم 1- الدافع الديني
انو في كتار من الناس بيتزوجو للأجر العظيم في الزواج و بإنه بكون مرتاح ف بيقدر يتقرب من ربنا بطريقة أحسن من العزابي انو غالباعبادة المتزوج أفضل من عبادة المش متزوج و فيه طاعة لله سبحانه و تعالى و بالنسبة للنساء أجرهم جدا عظيم برضو ( بحسن تبعل المرأة لزوجها ) و انو بيعدل ذهاب الرجال للمساجد و بيعدل جهادهم في سبيل الله و غيره .. و المرأة الطائعة لله الطائعة لزوجها بينقال لاها يوم القيامة عند دخول الجنة ادخلي من أي باب شئتي
رقم 2 - الدافع الاجتماعي
عادة بيصير في حكي كتير عن الشب اللي وصل للتلاتينات و بعدو ما تزوج .. انو ليش لهللأ عزابي ؟؟!! ليكون مالو إشي ؟!! و من هالحكي و بيبدا البرم و التعليق ! و بيصير بمحل شك من البعض و غيره فبيتزوجو اختصارا لهيك حكي و منهم لانو بدو يسكت أهلو .. انو خلص ماشي رح اتزوج بس دخيل الله خِفّو علي شوي !!
رقم 3- دافع الوالدية
كل واحد بيحلم يكون اسرة و يكون عندو طفل صغير يحس انو من لحمو و دمو و كتااا بنات بيحلمو بالبيبي و بشعور الأمومة لسة و بعدها بنت ما إجاها حدا يخطبها لسة ! و نفس الشي لبعض الرجال بيتمنى يكون عندو ابن يحكيلو بابا ..
رقم 4 - الدافع الجنسي
لكل انسان عندو رغبة جنسية و بدو يأديها و بيحتاج للطريق الحلال اللي هية الزواج ليعف نفسو عن الحرام و يكون قوي قدام المغريات خصوصي بوقتنا الحاضر و هاي مشكلة أغلب طلاب الجامعة و العلاقات اللي عم بتصير نتيجة هالرغبة .. فالبعض بيتزوج للعفة اكتر من انو بدو شريكة حياة او يحس انو بدو يكون أب او غيره ..
رقم 5 - الدافع النفسي
اللي هو الشعور اللي بييجي لكثير من الشباب (ذكورا و إناثا ) بإنو بيتمنى يكون في شخص بحياتو .. يعني (يحب و ينحب ) و انو بدو يحس بشعور الاستقرار العاطفي و النفسي و بالسكنى عند انسان يشاركه حياته بحلاوتها و بمرها و يسمعلو و يحكي معو ..
و أخيرا رقم 6 - دوافع خاصة
اللي هو حاجات خاصة بإنسان معين متل انو واحد يتزوج نكاية بزوجته الاولى (يغيزها يعني انو جكر او هيك ) من كتر ما هية مغلبتو او بيتزوج لمصلحة بدو مصاري و غيره متل انو بيتمنى انو يشعر بالأمن او بحاجة ماسة لشعوره بالاستقلالية و غيره انو دوافع معينة خاصة بإنسان بحد زاتو ما بتندرج تحت الدوافع اللي قبل
( فائدة هاي الدوافع )
أول شي لازم نعملو .. انو نحدد شو الدافع الأساسي للزواج بالنسبة لإلنا و نرتبهم على حسب الأولوية على حسب ما منشوف حالنا نحنا لشو بحاجة بالضبط ؟؟
و من المهم برضو سؤال الطرف الآخر عند الموافقة و (قبل الخطبة) عن سبب او الدافع الأساسي للزواج بالنسبة لإله ..
( السبب )
فالنفرض مسلا وحدة بتحتاج للشعور بالأمان و كان دافعها الاساسي و زوجها ما معو خبر ! و بس تزوجو ضللو سهران برة البيت مع صحابو لليل .. أو شغلو طويل مسلا .. علاقتهم رح تكون فاشلة لانو حاجتها الاساسية ما تلبت ف بالتالي رح تصير تفتعل مشاكل ليرجع عالبيت و تشوفو او تمرض او غيره و لو ما وفت معو الزوج .. آخرتهم بيتطلقو ..
او مثلا واحد دافعو الأساسي يكون أب و بحب العيلة الكبيرة و ييجي ياخد وحدة ما بدها ولاد و إن فكرت بالموضوع يمكن تجيبلو ولد و مش بعيدة بتحملو جميلة انو اللي هيك اكيد علاقتهم ما رح اتدوم يا اما بتزوج عليها او بطلقها ..
مشان هيك فينا نتفادى هاي المشاكل كلها عن طريق معرفتنا لحاجاتنا و دوافعنا الاساسية للزوااج
و ملاحظة : مشان الزواج نكاية باالزوجة الاولى ينصح بإنو البنت ترفض هاد الشب اللي هاد بيكون هدف لالو لانو أول ما بتتحسن علاقتو بزوجتو الاولى بيسيبها ^_^ (كلام مختصين مش كلامي )
ووو بس هيك ما أكون طولت عليكم بس الموضوع حلو و مهم و ما تنسو اتابعو هاي الدورة عاليوتيوب من الاول لاللي مو بيحضر لانو الكل بحاجتها و حلو نفهم على شو نحنا مقبلين بالضبط و نسمع لرأي المختصين و نعرف عن الزواج شو حقيقته في الاسلام و شروطه و غيره لنعرف ازا نحنا مهيئين وللا لا ..
تح ـيآتي لكـ م ^^
| |
|
نافش ريشووو ღ♥♥ღ.. ][ عَ ـرَبِيْ شَـآدْ حِيْلُوؤ ][ .. ღ♥♥ღ
عدد المساهمات : 47 نقاط : 1861 تاريخ الميلاد : 17/12/1991 تاريخ التسجيل : 14/07/2010 العمر : 32 العمل || الترفيه || الوظيفة ㋡ : طاااااااااااااااالب علم المزاج : اممم
| موضوع: رد: قبل ما تخطبوا أو تتزوجوا .. فوتو لهوووون ( مهم ) 22/7/2010, 7:49 pm | |
| | |
|
بنت كُوول ღ♥♥ღ.. ][ عَ ـٍـٍرَبِـًـًيْ وآسـًـًطــٍـٍـٍـًـًـًةه ][ .. ღ♥♥ღ
عدد المساهمات : 155 نقاط : 3304 تاريخ الميلاد : 16/10/1993 تاريخ التسجيل : 23/01/2010 العمر : 30
| موضوع: رد: قبل ما تخطبوا أو تتزوجوا .. فوتو لهوووون ( مهم ) 25/7/2010, 11:44 pm | |
| انا لا بدي انخطب ولا بدي اتزوج خليني فري حرة احسن ههههه " كلو ولا قراية موضوعك يا تيمو " ههههههههههههههههههه يعطيكي العافية حبيبتي
| |
|
إآζسًٌُُـإآسًٌُُ ღ إآنثـﮯ ღ♥♥ღ.. ][ ..~||عَ ـٍـٍرَبِـًـًيْ كـٍـٍـٍـٍٍـبـٍـٍٍـٍـيـٍـٍـٍـر..||~ ][ .. ღ♥♥ღ
عدد المساهمات : 1543 نقاط : 33867 تاريخ الميلاد : 19/09/1994 تاريخ التسجيل : 03/08/2009 العمر : 29 الموقع : www.arab.forumburundi.com العمل || الترفيه || الوظيفة ㋡ : رٍسآآمةهـ ڪوُوُوُ9̲̣̣̥وُ9̲̣̣̥لُِ المزاج : ᶰᵒᵗ ᵇᵃᵈ ..!
| موضوع: رد: قبل ما تخطبوا أو تتزوجوا .. فوتو لهوووون ( مهم ) 28/7/2010, 2:45 am | |
| - اقتباس :
- هاد مرة شفتو على التلفزيون
بس ما تفرجت عليه كنت بقلب بالقنوات [ندعوك للتسجيل في المنتدى أو التعريف بنفسك لمعاينة هذه الصورة] ههههه بس مش هسه بتفرج عليه بس اكبر كمان حبتين لني مش مفكر ارتبط من الحين خخخخ
[ندعوك للتسجيل في المنتدى أو التعريف بنفسك لمعاينة هذه الصورة] تسلميين
هههههههه مآشي يآ عم الحج مآ تتزوج
هههههه يسلمو لمروورك
| |
|
إآζسًٌُُـإآسًٌُُ ღ إآنثـﮯ ღ♥♥ღ.. ][ ..~||عَ ـٍـٍرَبِـًـًيْ كـٍـٍـٍـٍٍـبـٍـٍٍـٍـيـٍـٍـٍـر..||~ ][ .. ღ♥♥ღ
عدد المساهمات : 1543 نقاط : 33867 تاريخ الميلاد : 19/09/1994 تاريخ التسجيل : 03/08/2009 العمر : 29 الموقع : www.arab.forumburundi.com العمل || الترفيه || الوظيفة ㋡ : رٍسآآمةهـ ڪوُوُوُ9̲̣̣̥وُ9̲̣̣̥لُِ المزاج : ᶰᵒᵗ ᵇᵃᵈ ..!
| موضوع: رد: قبل ما تخطبوا أو تتزوجوا .. فوتو لهوووون ( مهم ) 28/7/2010, 2:47 am | |
| انا لا بدي انخطب ولا بدي اتزوج خليني فري حرة احسن ههههه " كلو ولا قراية موضوعك يا تيمو " ههههههههههههههههههه يعطيكي العافية حبيبتي ههههههههههههههه وانتي التآنية كمآن مآ تتزوج ـي ومآ تنخ ـطبي كمآن [ندعوك للتسجيل في المنتدى أو التعريف بنفسك لمعاينة هذه الصورة] ههههههههه
الله يـ ع ـآفيكي .. | |
|