سلام عليكم يا جماعه
وكيف حالكم ؟ ان شاء الله كلكم بخير وسلامه , واذا في حدا مش مليح لا سمح الله ميستحيش , انا متل اخوكو وبعزكو اكتر من مدرب كره اليد ريتو يموت بليلي فيها شمس هههههه قصدي فش فيها قمر , هي الشمس من وينتا بتطلع باليل .
المهم هاد بيوم من هالأيام كنت راجع من المدرسه طفران جاي طهران هههههه عالقافيه , وشايف كل الي قدامي من كتر ما انا طهران ايييييي قصدي طفران صراصير (الله خلقنا ابناء ادم بس الغضب بعمي لعيون انا معمانيش انا بس اضعف انضري هههه)
وانا ماشي يالطريق شفت زميلي بفريق كره اليد احمد , وقلي انو مش راح يغدر ييجي على التمرين , اما من كتر ما انا طهران نسنسنس وبعدين مع هالشغله , من كتر ما انا طفران قلتلو لقاع اجري ايوااا لقاع اجري مش لقاع ايدي مع انو من فريق كره اليد
وضليتني ماشي لتا وصلت الدار , فتت عالدار طفران (ههههه مقولتش طهران الشاطر بغلطش نفس الغلطه مرتين ) لقيت امي واختي بحضرو الغداء بس اختي التانيه مكانتش معلهن بعرفو ليييش ؟؟ قال عليها بجروت وحابسي حالها بغرفتها وبتدرس , ان شاء الله بتنجح مش لأني بدي أياها تنجح , لأنو اذا منجحتش راح تدرس كمان مره وهيك بابها بضل مسكر واللابتوب عندها بالغرفه وانا مقطوع عن ولاد صفي وبنات صفي (ملا يوم اسود صحيح)
وبعدين جهزوا امي واختي الغداء وحنت اتسمم ( تستغربوش رحت اتسسم مش أوكل لأني طهران , بعدين يعني خلص انتو ماهنين علي) ورحت عطاولة الاكل وشفتلكو صحت ملوخيه سخنه والدخنه قصدي البخار طالع منو , رحت مسكت الصحن ودرتو بتمي زي ما تقولو اليي 3 اشهر مش ماكل اشي , خلصت صحني ومسكت صحن اختي ودرتو بنفس الطريقه وصاح تمي وشواربي خضر خضر يعني زي ما تقولو شارب عصير عشب (شواربي صغار ترحوش بالتفكير لبعيد ) وبطني انفزر قد ما اكلت , وصار لازم اناااااام , وكان علي وظيفة عبراني قلت بحلها بعدين وانا نومي ثقيل كتييييييير .
فتت على غرفتي وسكرت الباب ورميت حالي بالتخت . مرقت اول ساعه وتاني ساعه بس تالت ساعه ممرقتش لأنو بعد 35 دقيقه صار ابوي ينادي علاي , انا مسكر الباب وغاطس قصدي غارق بالنوم يعني בקיצור (باختصار) انا مسمعتهوش . نادى اكتر من 6 مرات يعني يمكن 3 او 4 (ههههه بمزح)
اجا ابوي عندي على الغرفه بس لاقى الباب مسكر , صار يخبط عالباب عشان افتحله بس انا صرت بسابع نومه وكمان شواي بفوت بالتامنه هههههه , هو صار يخبط اكتر وبصوت اعلى يخبط ويخبط وانا مستغرب كيف ايدو تحملت وهو يخبط ويخبط وانا .... لا حياه لمن تنادي .
الجماعه خافو صارو يقولو لا يكون صار الو اشي لا سمح الله , وابوي صار يدفش بالباب بدو يخلعو بس سبحان الله بالباب غدر يتحملو ههههههه وراحت اختي تاندي الجيران (اختي الي حضرت الغداء لأنو التانيه بتدرس للبجروت ومعهاش خبر شو صاير بهالدنيا , ان شاء الله بتنجح وانا بطول الايتوب متذكرينوووووو هاد الي عالق عندها )
واجو الجيران صارو يخلعو بهالباب يعني صارت فضيحه بس الباب اسم الله عليه قوى هههههه وراحت امي اتصلت بال משטרה (البوليص) يعني صارت فضيحه فضيحه مش حيالا.
بعدها اجا البوليص وبطريقه اخلاقيه فتح الباب وفاتو عالغرفه واجا علاي ابوي وشافنا نايم وبمص اصبعي هههههه صار يطهر قصدي يطفر شواي شواي وبعدين صايحلكو هالصيحا الله اكبر ما اعلى صوتو يقولو 3 او 4 صواريخ انفجرو مع بعض , وانا فزيت عالمحل واكلت بهدله طويله بس عريضه شواي , وابوي حل الباب وحلف يمين انو مش راح يركبو وهيك خلص نهارنا
انا كتبت هاي القصه ل3 اسباب وهني توكلوش كتير احسن من ما يصير معكو زي ما صار معي , ويا جماااااااااااااعه حدا يقنع ابوي يركب الباب وقلولي مشاااااااااااااااان الله بس , كيف اطول اللاب توب (متذكرين قصتو ؟؟؟؟)
يلا سلام